Konfirmasjonstida i Seljord, Flatdal og Åmotsdal startar hausten i 9. klasse og varar fram til hausten i 10. klasse.
Konfirmasjonstida i kyrkja i Seljord er lagt opp slik at ein melder seg inn ein gong før Dyrsku´n i 9. klasse. På hausten skjer det ikkje så mykje, men vi har mellom anna eit Kick-off i slutten av oktober felles med resten av prostiet gjennom det felles ungdomsarbeidet Ønsket og Elsket. Rundt årsskiftet startar vi for fullt og det går slag i slag gjennom våren med ymse samlingar, gudstenester, pilegrimsvandring, konfirmanttreff med meir, før høgdepunktet i sommarferien, med felles konfirmasjonsleir. Tredje og fjerde helga i august er det konfirmasjonar, i dei tre kyrkjene våre.
Konfirmasjonsdatoar i 2024 er:
Åmotsdal 17. august kl 11
Flatdal 18. august kl 11
Seljord: 24. august, kl. 11 og 13
Seljord: 25. august, kl. 11
Innmelding til konfirmasjonstida skjer digitalt, og innmeldingsskjema finn de her, eller ved å trykke på "konfirmantpåmelding". Fristen for innmelding er 15. oktober 2023.
Om de har spørsmål om konfirmasjonstida, ta kontakt med kyrkjekontoret. Du finn kontaktinformasjon her.